Son əlavələr


"Azərbaycan" qəzetində ipəkçiliklə bağlı təhriflər davam edir

14 Tem 2018 03:10 tarihinde Aydin Salis tarafından yayınlandı   [ güncellendi ]

Milli Məclisin orqanı olan  "Azərbaycan" qəzetində ipəkçiliklə bağlı 1 iyunda dərc olunmuş məqalədəki təhriflər, yalanlar  haqqında   yazmışdıq. İradalrımızdan nəticə çıxarmaq əvəzinə, 4 iyulda yenidən doğru olmayan məlumatlar yayıblar

Müəllif Bahadur İmanquliyevdir, yazır ki, 

"Qax Damazlıq İpəkçilik Stansiyasının bərpası, əlavə istehsal sahələrinin yaradılması və müasir avadanlıqlarla təchiz olunmasına ayrılmış 4,5 milyon manat vəsait hesabına ildə 1,2 ton ipəkqurdu toxumu istehsal olunacaq ki, bu da daxili tələbatın yerli istehsal hesabına ödənilməsini təmin edəcək".

Bu, ötən ilin avqust ayında Qaxda keçirilmiş respublika müşavirəsində "Şəki-İpək" ASC idarə heyətinin sədri Nizami Qəribovun çıxışından götürülüb. Amma Nizami Qəribov nə barama istehsal edəndir, nə də qurd toxumu, bu məsələlər onun səlahiyyətinə aid deyil. Bahadur İmanquliyev 1 il əvvəlki müşavirədə səsləndirilmiş fikirləri təkrarən tirajlamaqdansa, yaxşı olardı ki, qurd toxumunun nə vaxt Azərbaycanda istehsal olunacağından söz açardı. Biz öz növbəmizdə ekspert qismində Qax Damazlıq İpəkçilik Stansiyasının direktoru Əkrəm Fətəliyevdən bunu soruşduq. Cavab verdi ki, "barama toxumu zavodu hələ tikilməyib...  2020-ci il üçün qurd toxumunun Azərbaycanda istehsalı planlaşdırılıb. Gələn ildən biz buna hazırlaşacağıq". Bahadur müəllim ordan-burdan kopyələr edib "Azərbaycan" qəzetinə yerləşdirməkdənsə, yaxşı olardı ki, "Azərbaycan" qəzetinin hesabına heç olmasa Əkrəm Fətəliyevə telefonla danışardı.

Bahadur İmanquliyev sonra yazır ki,

"Nəticədə, 2015-ci ildə cəmi 200 kiloqram barama istehasal edilən rayonda iki il sonra bu rəqəm 18 min tona çatdı. Bu, istehsalın 90 dəfə artması deməkdir. Sovet dönəmindən uzun illər qapıları bağlı qalan Şəki İpək Kombinatının da fəaliyyəti bərpa edildi. Artıq burada 600 nəfərdən çox işçi çalışır".

Bahadur müəllimin nəzərinə çatdırmaq istəyirik ki, 2017-ci ildə Şəki ryonunda 18  min ton yox, cəmi 17 ton 794 kq barama tədarükü baş tutub. Bu il isə həmin məqalə çap olunarkən, artıq 47 ton 943 kq barama tədarük olunmuşdur, operativlik üçün bunu da qeyd etmək lazım idi. Lakin iddianın əksinə olaraq Şəki ipək kombinatı hal-hazırda işləmir, təbii ki burada 600 nəfərdən çox işçi də çalışmır və bununla bağlı Prezidentə mürəciət ünvanlamışıq.

Yeri gəlmişkən, gəlin, Bahadur İmanquliyevin 1 iyul tarixli "Azərbaycan" qəzetində  dərc olunmuş məqaləsindəki bir hissəyə də diqqət yetirək:

"Ümumiyyətlə, aqroparkların yaradılması və fəaliyyəti nəticəsində ərzaq təhlükəsizliyi məsələləri öz həllini tapacaq, yerli istehsal inkişaf edəcək, ixrac imkanlarımız genişlənəcək. Yalnız bir baramaçılığın timsalında bunu müşahidə etmək mümkündür. 2015-ci ildə cəmi bir rayonda 725 kiloqram yaş barama istehsal edilmişdisə, 2016-cı ildə 24 rayon üzrə 70, 2017-ci ildə isə 30 rayonu əhatə etməklə 244 ton yüksək keyfiyyətli yaş barama istehsal olunmuşdur. Bu isə ölkə üzrə barama istehsalının 2015-2017-ci illər arasında 337 dəfə artması deməkdir".
 
Bahadur müəllim deyəsən demək istəyir ki aqropark olmasaydı, barama da olmazdı? Amma başa düşə bilmirik, aqropark hara, barama hara? Və müəllif burada "2015-ci ildə cəmi bir rayonda 725 kiloqram yaş barama istehsal edil"diyini yazdığı halda, 3 gün sonra -  4 iyulda, 2015-ci ildə Şəki rayonunda cəmi 200 kiloqram barama istehsal edildiyini göstərir. İndi bunlardan hansına inanaq? Ya 2015-ci ildə müəllifin dediyinin əksinə olaraq bir yox, bir neçə rayonda barama yetişdirilib,  ya da...

Yenə qayıdaq, 4 iyul tarixli məqaləyə. Bahadur İmanquliyev daha sonra yazır ki,

"Bu ilin göstəriciləri də ürəkacandır. Artıq ölkə üzrə 230 ton yaş barama tədarük olunmuşdur. Amma bu, son hədd deyildir. Barama tədarükü əksər rayonlarda davam edir. Cari il Zərdab rayonu digərlərindən xeyli irəlidədir. Rayonun kümçüləri indiyədək 49 ton 665 kiloqram yaş barama təhvil veriblər".

Diqqət yetirin! 4 iyulda barama tədarükü demək olar ki, artıq başa çatıb, "Azəripək"  MMC tərəfindən 509 tondan şox barama qəbul edilib, amma "Azərbaycan" qəzeti - Milli Məclisin orqanı, yatıb qalıb, hələ yuxudadır, 230 tondan danışır, 2 iyula qədər Zərdab rayonu 53 ton 881 kq barama təhvil verib, amma  "Azərbaycan" qəzeti 4 iyulda yazır ki bu rayonda 49 ton 665 kq barama tədarük olunub?!

5 iyulda isə "Azərbaycan" qəzetində ipəkçiliklə bağlı Əli Səlimovun məqaləsi dərc olunmuşdur. Müəllif 5 iyulda yazır ki Ağsu rayonu "Şəki-İpək" ASC-yə 5 min 492 kiloqram  barama təhvil verib. Əslində isə 2 iyul tarixinə qədər Ağsu  rayonundan "Azəripək" MMC-yə 10 min 936 kiloqram barama təhvil verilmişdir. Ağsu rayonuna  bu il 260 qutu qurd toxumu paylandığı halda, Əli Səlimov bunu 260 qram olaraq göstərir. Əslində isə 260 qutunun çəkisi 4 kiloqram 940 qramdır...

Digər rəsmi qəzetlərin heç birində vəziyyət "Azərbaycan" qəzetində olduğu kimi olmasa da bəzilərində də "erməni-budaq cümlələrinə" təsadüf etmək mümkündür. Məsələn 9 iyun tarixli "Xalq qəzeti"ndə dərc olunmuş "Azərbaycanda qeyri-neft sektorunun inkişaf istiqamətləri" başlıqlı məqalənin bir cümləsinə diqqət yetirək:

"Aparılmış uğurlu tədbirlər nəticəsində 2015-ci ildə 35 min ton pambıq yığılmışdısa, 2017-ci ildə səkkiz dəfə çox–207 min ton “ağ qızıl”, barama tədarükü 75 ton artırılaraq 275 tona çatdırılmışdır və s".

Müəllif balaca adam deyil, o, Azərbaycan Respublikasının Prezidenti yanında Dövlət İdarəçilik Akademiyasının
dövlət idarəetməsi və menecment kafedrasının dosenti, kənd təsərrüfatı üzrə fəlsəfə doktoru İbrahimxəlil İbrahimovdur. Amma fəlsəfə doktorunun barama ilə bağlı nə demək istədiyini başa düşdünüzmü? Mən də başa düşə bilmədim. Belə ki fəlsəfə doktorunun yazdığından belə çıxır ki, 2015-ci ildə Azərbaycanda 70 ton yox, 200 ton yaş barama tədarük edilibmiş və növbəti il isə istehsal 75 ton artırılaraq 275 tona çatdırılmışdır?! 
Aydın Məmmədov


İyulun ilk iki həftəsində ipekchi.info-nun ən çox hansı səhifələrini oxuyublar?

13 Tem 2018 13:30 tarihinde Aydin Salis tarafından yayınlandı   [ 13 Tem 2018 14:28 güncellendi ]

"İpəkçi" qəzetinin ipekchi.info saytı heç də Azərbaycanın aparıcı xəbər saytlarından biri deyil təbii ki, amma heç  şübhəsiz ki, ipəkçilik üzrə aparıcı, regionlar üzrə isə aktiv saytlardan biri hesab edilə bilər.

İyul ayının ilk 2 həftəsi (1 iyul -13 iyul) ərzində saytımızın yalnız lent.ipekchi.info bölməsi 2101 dəfə ziyarət olunmuşdur. Bunlardan 1538-i unikal baxışdır. Ziyarətlərin 71,89 %-i Azərbaycan provayderləri vasitəsi ilə edilib. 
Ən çox unikal baxış olan ilk 10 səhifəmiz isə aşağıdakılardır: 
      1. Elmar Vəliyevə atəş açan Yunis Səfərov Moskva Mədəniyyət və İncəsənət Universitetinin hüquq fakultəsinin məzunu imiş - 243  nəfər.
      2. Gəncənin icra başçısına qarşı edilən sui-qəsdin təfərrüatları məlum olub - 200  nəfər.
      3. Cövdət Hacıyevin qızı Pərvin Muradova-Dilbazi ata yudunu - Şəkini, ziyarət etdi, tələbələrlə görüşdü - 163  nəfər.
      4. 2018-ci ildə ən çox barama tədarükünə görə Zərdab, qurd toxumunun məhsuldarlığına görə isə Cəbrayıl rayonu birinci oldu - 119  nəfər.
      5. Çox təəssüflər olsun ki, Gəncədə iki yüksək çinli polis məmuru həlak oldu (rəsmi xəbərlər və video) - 114  nəfər.
      6. İlham Əliyev: (Etibar Pirverdiyev,) siz sadəcə olaraq utanmalısınız, xalq qarşısında, ölkə qarşısında! - 101  nəfər.
      7. Şəki ipək kombinatının mövcud durumu ilə bağlı Prezident İlham Əliyev cənablarına müraciət  - 64  nəfər.
      8. "General Konstrakşn" MMC-də və keçmiş "Globus Plaza"da indi nələr baş verir? - 62  nəfər.
      9. İlham Əliyev Nazirlər Kabinetinin 8 iyul iclasında prezident seçkisindən öncə "İpəkçi"nin də keçirdiyi rəy sorğularından da danışdı - 33  nəfər.
      10. Mirşahin 10 iyulda Gəncədə qılınc döyüşünün baş verməsi barədə video-müsahibələrini paylaşıb - 27  nəfər.

Bakı və Sumqayıtın enerji təminatındakı son məhdudiyyətlərin səbəbi isə Yevlaxda və Ağsuda baş verən yanğınlar imiş

12 Tem 2018 06:15 tarihinde Aydin Salis tarafından yayınlandı   [ 12 Tem 2018 07:44 güncellendi ]


Ağsu rayonu Bico kəndi ərazisindən keçən yüksək gərginlikli elektrik verilişi xətlərinin altında naməlum səbəbdən baş vermiş yanğın nəticəsində elektrik enerjisi təminatında müəyyən məhdudiyyətlər yaranıb.

 

Bu barədə "APA-Economics"ə "Azərenerji" ASC-nin ictimaiyyətlə əlaqələr şöbəsinin rəhbəri Yəhya Babanlı məlumat verib.

 

Onun sözlərinə görə, yanğın səbəbindən təhlükəsizlik məqsədi ilə respublikanın bəzi bölgələrinə enerji verilişi dayandırılıb. 

 

Bakı Metropoliteni"nin mətbuat xidmətinin rəhbəri Bəxtiyar Məmmədov APA-ya bildirib ki, enerji fasilə ilə bağlı Bakı metropoliteninin Bənövşəyi xəttinin iki stansiyası- "Avtovağzal" və "Memar Əcəmi" stansiyalarının işində qısamüddətli fasilə yaransa da, artıq həmin stansiyalar da işini bərpa edib. 


Hadisə ilə bağlı Virtualaz.org-a eksklüziv müsahibə verən  “Azərenerji”nin rəhbəri Etibar Pirverdiyev isə deyib ki, “Eyni zamanda Yevlaxda və Ağsuda elektrik xətlərinin altında yanğın başlayıb. Bu da çoxsaylı suallar doğurur. Nəyə görə birdən-birə iki yerdə? Biz Bakıya və Sumqayıta elektrik enerjisinin ötürülməsini dayandırmağa məcbur olduq. Hazırda yanğının aradan qaldırılması üzrə işlərin başa çatmasını gözləyirik”.

Mirşahin 10 iyulda Gəncədə qılınc döyüşünün baş verməsi barədə video-müsahibələrini paylaşıb

12 Tem 2018 02:27 tarihinde Aydin Salis tarafından yayınlandı   [ 12 Tem 2018 04:15 güncellendi ]

3 iyulda Gəncənin icra başçısı Elmar Vəliyevə edilən sui-qəsddən az sonra Elmar Vəliyevin Gəncə İcra hakimiyyətinin binasında müşavirədə olması və tezliklə Real TV-yə müsahibə verəcəyi barədə yalan məlumat yayan Mirşahin,  əvəzində 10 iyulda Gəncədə qılınc döyüşünün baş verməsi barədə video-müsahibəsini paylaşdı:  


Cövdət Hacıyevin qızı Pərvin Muradova-Dilbazi ata yudunu - Şəkini, ziyarət etdi, tələbələrlə görüşdü

11 Tem 2018 02:19 tarihinde Aydin Salis tarafından yayınlandı   [ 12 Tem 2018 12:40 güncellendi ]

  •  ABŞ-ın Kolumbiya Universitetinin magistri, pianoçu Vivian Fang Liu
  • Atatürk Universitetinin Gözəl sənətlər fakültəsinin professor-doktoru Həqiqət Məhərrəmova,
  • Tanınmış Azərbaycan bəstəkarı mərhum Cövdət Hacıyevin qızı - ABŞ-da yaşayan kompozitor Pərvin Muradova-Dilbazi
  • mərhum bəstəkar Oqtay Zülfüqarovun oğlu, əməkdar ingəsənət xadimi, bəstəkar Cahangir Zülfüqarov
bu gün saat 11:00 radələrində Şəki Pedaqoji Kollecində tələbələrlə və Şəkinin media təmsilçiləri ilə görüşüblər. Sonra qonaqlar kollec tələbələrinin ifasında musiqi əsərlərini dinləmişlər.

Çox təəssüflər olsun ki, Gəncədə iki yüksək çinli polis məmuru həlak oldu (rəsmi xəbərlər və video)

10 Tem 2018 12:10 tarihinde Aydin Salis tarafından yayınlandı   [ 10 Tem 2018 13:01 güncellendi ]

Bu gün saat 20 radələrində 150-200 nəfərdən ibarət radikal dini yönümlü bir qrup şəxs Gəncə şəhər İcra Hakimiyyətinin inzibati binasının önündəki meydana toplaşaraq asayişi kobud şəkildə pozmağa cəhd göstərib.    

Daxili İşlər Nazirliyinin (DİN) mətbuat xidmətindən APA-ya verilən mlumata görə, xidməti vəzifələrini yerinə yetirən polis əməkdaşlarının xəbərdarlığına məhəl qoymayan qanunazidd hərəkətlərin iştirakçıları özləri ilə gətirdikləri küt və kəsici-deşici alətlərlə asayiş keçşikçilərinə müqavimət göstəriblər. 

Polis əməkdaşlarının həyata keçirdikləri qətiyyətli tədbirlərlə onların hüquqazidd əməllərinin qarşısı alınmaqla 40 nəfəri tutularaq Gəncə Şəhər Baş Polis İdarəsinə gətirilib, qalanları qaçaraq ərazini tərk ediblər.

Görülmüş operativ tədbirlərlə təxminən 30 dəqiqə ərzində şəhərin mərkəzində asayiş tam bərpa edilib.

"Təəssüflə qeyd edirik ki, qanunsuz hərəkətlərin qarşısı alınarkən xidməti vəzifələrini yerinə yetirən iki polis zabiti – Gəncə Şəhər Baş Polis İdarəsinin rəis müavini,  polis polkovniki İlqar Balakişiyev və Nizami Rayon Polis İdarəsinin rəis müavini, polis polkovnik-leytenantı Səməd Abbasov radikal ünsürlərin kəsici-deşici alətlərlə yetirdikləri zərbələr nəticəsində şəhid olublar" deyə, məlumatda qeyd olunur.. 

Fakt üzrə Baş Prokurorluqda Azərbaycan Respublikası Cinayət Məcəlləsinin 120.2.3, 120.2.7, 220.1, 221.3, 228.4, 315.2-ci maddələri ilə cinayət işi başlanılıb.

Cinayətin bütün iştirakçılarının və təşkilatçılarının müəyyən edilib məsuliyyətə cəlb olunmaları məqsədilə zəruri istintaq hərəkətləri və əməliyyat-axtarış tədbirləri həyata keçirilir.

Görülən işlərin gedişi barədə ictimaiyyətə əlavə məlumat veriləcək.   




İlham Əliyev Nazirlər Kabinetinin 8 iyul iclasında prezident seçkisindən öncə "İpəkçi"nin də keçirdiyi rəy sorğularından da danışdı

10 Tem 2018 06:57 tarihinde Aydin Salis tarafından yayınlandı   [ 10 Tem 2018 13:41 güncellendi ]


İyulun 8-də Azərbaycan Respublikasının Prezidenti İlham Əliyevin sədrliyi ilə Nazirlər Kabinetinin 2018-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.
Prezident İlham Əliyev  giriş nitqinin əvvəlində aprel ayında baş tutmuş prezident seçkisi haqqında bunları dedi:

"Seçkilərdən əvvəl keçirilmiş rəy sorğuları, seçkilər günü keçirilmiş “exit-poll”lar rəsmi nəticələrlə üst-üstə düşür. Bu, bir daha onu göstərir ki, seçkilərdə Azərbaycan xalqının iradəsi tam öz əksini tapmışdır. Seçkilər şəffaf, ədalətli şəkildə keçirilmişdir və Azərbaycan bütün dünyaya bir daha göstərmişdir ki, müasir, demokratik ölkədir. O ölkədir ki, burada bütün azadlıqlar təmin edilir".

Məlumat üçün əlavə edək ki, seçkidən öncə rəy sorğusu keçirmiş bir-iki qurumdan biri də "İpəkçi" qəzeti olmuşdur. Yalnız "İpəkçi" qəzeti rəy sorğusunu açıq şəkildə keçirmişdir və biz seçkidən oncə İlham Əliyevin 85 %-dən çox səs toplayacağını elan etmişdik. 




Şəki ipək kombinatının mövcud durumu ilə bağlı Prezident İlham Əliyev cənablarına müraciət

8 Tem 2018 07:03 tarihinde Aydin Salis tarafından yayınlandı   [ 12 Tem 2018 06:25 güncellendi ]

Çox hörmətli Prezident İlham Əliyev cənabları.

Məlumat üçün əvvəlcə vurğulamaq istəyirik ki, Şəki ipək kombinatının əmək kollektivi daima öz üzərində sizin diqqət və qayğınızı hiss etməkdədir. Təsadüfi deyil ki,  respublikada ipəkçiliyin acınacaqlı vəziyyəti ilə bağlı 29.01.2016-cı il tarixdə Sizə etdiyimiz müraciətimizdən az sonra bu sahədə əhəmiyyətli müsbət dəyişikliklər baş vermiş, 2016-cı ildə 70 ton, 2017-ci ildə 244 ton, bu il isə 513 tondan çox barama tədarükü baş tutmuşdur. Şəki ipək kombinatına pambıq iplik istehsal etmək üçün mahlıc verilməməsi və bununla əlaqədar olaraq  kombinatın pambıq əyirici sexinin fəaliyyətsiz qalması, işçilərinin maaş almaması ilə bağlı bu ilin əvvəllərində Sizə etdiyimiz növbəti  müraciətdən az sonra isə Şəki ipək kombinatına 1209 ton mahlıc ayırılmış, nəticədə kombinatının pambıq əyirici sexi bir il fasilədən sonra aprel ayının əvvəllərində yenidən fəaliyyətə başlamışdı.

Cənab Prezidient, lakin heç bir ay keçməmiş həmin sexin fəaliyyəti əsassız olaraq yenidən dondurulub, sexin işçiləri isə yenidən işsiz və maaşsız qalıblar.

Məlumat üçün əlavə edək ki, bu il Şəki ipək kombinatı öz tarixi ərzində ilk dəfə olaraq 500 tondan artıq yaş barama qəbul edə bilib. Heç sovet dövründə belə burada bu qədər yaş barama qəbul edilməmişdi. Sovet dövründə barama əsasən yerlərdə boğulub-qurudulduqdan sonra kombinata daşınırdı. İndi, qısa bir müddət ərzində heç bir  itkiyə yol vermədən burada 500 tondan çox yaş baramanın boğulub-qurudulması  birbaşa əmək kollektivinin misli görünməmiş fədakarlığı sayəsində mümkün olmuşdur.

Lakin bu il respublikada 500 tondan artıq barama tədarük edilməsinə baxmayaraq, Şəki ipək kombinatının baramaaçan istehsalatı da işləmir. Nəticədə sexin 200-300 nəfər işçisi də maaş almır. Bildiyiniz kimi, əgər kombinatın baramaaçan istehsalatı işləmirsə, deməli, kombinatın digər istehsalat və sexləri də işləyə bilməz, bir sözlə, Şəki ipək kombinatı işləmir, yüzlərlə işçisi də maaş almır. 

Məlum olduğu kimi, hal-hazırda Şəki ipək kombinatı "Azəripək" MMC-nin, "Azəripək" MMC isə "Azərbaycan Sənaye Korporasiyası" ASC-nin idarəçiliyindədir. Kombinatın hansı qurumun idarəçiliyində olması, hansı qurumun idarəçiliyinə yeni keçməsi, təhvil-təslimin təzəlikcə başa çatması və s. bütün bunlar  isə kombinatın bu gün işləməməsi üçün əsas ola bilməz. Əvəzində, barama və mahlıc var ikən kombinatın bu gün işləməməsi həmin qurumların fəaliyyətlərinin qeyri-qənaətbəxş olduğunu, nəticədə iqtisadiyyatımızı çökdürdüyünü vurğulamaq üçün əsasdır. Belə ki bu il dövlət tərəfindən  qurd toxumunun alınmasına 275 min manat, subsidiya olaraq kümdarlara  azı  2 milyon 567 min manat, "Azəripək" MMC-nin yaş barama satın alması üçün kredik şəklində bu MMC-yə  azı 2 milyon 54 min manat, cəmi 5 milyon manata yaxın vəsait ayrılıb, lakin kombinat işləmədiyinə görə bu qədər pul ölkə iqtisadiyyatına bir qəpik  fayda verməyəcək, təbii ki dövlət büdcəsinə də bir qəpik  geri qayıtmayacaqdır.  Əgər barama və mahlıc nəinki ölkədə, hətta bütün dünyada tükənmiş olsaydı belə,  əslində bu da heç vaxt kombinatın dayanmasına gətirib çıxarmalı deyildi. Belə ki süni qrupdan olan liflərin hesabına kombinatın daimi işləməsini təmin etmək olardı, hansı ki sovet dövrünün sonlarına doğru, kombinatın istehsal etdiyi hazır məhsulun yarıdan çoxunu süni liflərdən toxunmuş parçalar təşkil edirdi. Amma çox təəssüflər olsun ki,  son onilliklərdə boşdayanmalar Şəki ipək kombinatında bəzən illərlə uzanıb və indi də - barama və mahlıc olduqda da davam edir.

Cənab Prezident, çıxışlarınızın birində  demişdiniz ki, "əminəm ki, 1-2 ilə Şəki ipək kombinatı tam - sovet vaxtındakı gücü ilə işləyə bilər". Şəki ipək kombinatının əmək kollektivi  isə öz növbəsində həmin anın baş verməsi üçün əlindən gələni etməyə, rəşadət və fədakarlıq göstərməyə hazır olduğunu bildirir və bununla yanaşı, əmindir ki, kombinatın dayanmasına, əmək kollektivinin işsiz və maaşsız qalmasına səbəb olan amillər bu müraciətdən dərhal sonra sizin diqqət və qayğınız sayəsində aradan qalxacaqdır. 

Əvvəlcədən təşəkkür edirik.


Şəki İpək kombinatının əmək kollektivinin xahişi ilə müraciəti hazırladı:  Aydın Məmmədov, 
"İpəkçi" - "Şəkinin səsi" qəzetlərinin baş redaktoru.











Elmar Vəliyevə atəş açan Yunis Səfərov Moskva Mədəniyyət və İncəsənət Universitetinin hüquq fakultəsinin məzunu imiş

5 Tem 2018 14:17 tarihinde Aydin Salis tarafından yayınlandı   [ 6 Tem 2018 09:32 güncellendi ]


Müharicətdə yayayan "Azadlıq" qəzetinin baş redaktoru Qənimət Zahid öz Feysbuk səhifəsinə
yazır ki, Elmar Vəliyevə atəş açan Yunis Səfərov
"Moskva Mədəniyyət və İncəsənət Universitetinin hüquq fakultəsini bitirib. Sonra Moskvada 157 nömrəli orta məktəbdə tarix müəllimi işləyib. Məktəbin keçmiş direktoru ilə danışa bildim. "Yunis olduqca mədəni, ziyalı, kübar bir gəncdi"- dedi".

Moderator.az saytında isə Yunis Səfərovun ali təhsilli hüquqşunas olması vurğulansa da, onun  öz ixtisası üzrə  heç vaxt işləmədiyi və üstəlik, həm də İranda dini təhsil alması da iddia edilir:
"Yunis ali təhsilli hüquqşünasdır, lakin öz ixtisası üzrə işləməyib. Dini qurumlarla birgə fəaliyyət göstərirdi. Alınan məlumata görə 4-5 il əvvəl ailəsi ilə birlikdə İrana oxumağa gedib, daha doğrusu, göndərilib. Orda həqiqi dini təhsil alıb-almadığı dəqiq məlum olmasa da, 2-3 ildən sonra Moskvaya qayıdıb".

Həmçinin, Hurriyyet.org saytında Yunis Səfərov və hadisə haqqında aşağıdakı maraqlı informasiya getmişdir:

"Etibarlı mənbədən aldığımız informasiyaya görə, icra başçısına hücum zamanı o, sol çiynindən və sol gözündən ağır yara alıb. Mühafizəçisi isə 4 güllə yarasından hadisə yerində dünyasını dəyişib.

Mənbə deyir ki, hadisə Elmar Vəliyev İcra Hakimiyyətinin binasından çıxarkən baş verib. Belə ki, o, hər zaman olduğu kimi, binanın ön qapısından (park tərəfdən olan girişdən – müəl.) çıxıb avtomobilinə əyləşmək istəyərkən, hadisəni törədən Yunis Səfərov ona yaxınlaşaraq atəş açıb. Həmin vaxt mühafizəçi özünü qabağa verdiyindən 4 güllə ona, qalan 2 güllə isə icra başçısına dəyib.

Qeyd edək ki, hadisə baş verən zaman İcra Hakimiyyətinin binasının qarşısında 4 nəfər polis əməkdaşı olsa da, onlar son ana qədər müdaxilə etməyib, yalnız hadisəni törədən Yunis Səfərovun qaçmadığını və silahını yerə atdığını gördükdə, yaxınlaşaraq onun əlini arxadan bağlayıblar.

Mənbənin sözlərinə görə, Rusiya vətəndaşı olan Yunis Səfərov 7-8 ay əvvəl Gəncədə bankların birinə məxsus olan inkassator maşınını soyduğu və bu zaman polis əməkdaşlarından birinin silahını ələ keçirdiyi üçün barəsində axtarış elan edilibmiş. Maraqlıdır ki, həmin vaxt Y.Səfərovun maşında olan pulu götürmədiyi, sadəcə bir hissəsini küçəyə səpələdiyi bildirilir. Bu baxımdan, istisna olunmur ki, o, icra başçısını güllələyərkən, məhz həmin soyğun zamanı ələ keçirdiyi silahdan istifadə edib".


Məlumat üçün əlavə edək ki, Yunis Səfərovun 7-8 ay əvvəl Gəncədə bankların birinə məxsus olan inkassator maşınını soyduğu və maşında olan pulu götürmədiyi, sadəcə bir hissəsini küçəyə səpələdiyi haqqında yazılanlar da Məlikməmməd nağılına daha çox bənzəyir. Ən azından bir adamın təkbaşına inkasatora hücum etməsi faktiki olaraq mümkün deyil, azı 3-4 nəfər birlikdə edə bilər bunu.

06 İyul 2018 tarixdə, günorta saatlarında isə Baş Prokurorluq, Daxili İşlər Nazirliyi və Dövlət Təhlükəsizlik Xidməti Gəncə şəhər İcra Hakimiyyətinin başçısı Elmar Vəliyevin güllələnməsi faktı ilə bağlı növbəti açıqlama yayıb.

Açıqlamada bildirilir ki,

"Xəbər verildiyi kimi, Gəncə şəhərində anadan olmuş Yunis Səfərov 2018-ci il iyul ayının 3-də Gəncə Şəhər İcra Hakimiyyətinin başçısı Elmar Vəliyevə və Gəncə şəhər Baş Polis İdarəsinin əməkdaşı polis serjantı Qasım Aşbazova odlu silahdan atəş açaraq müxtəlif dərəcəli bədən xəsarətləri yetirib. Fakt üzrə başlanılmış cinayət işi üzrə həyata keçirilən istintaq hərəkətləri və əməliyyat-axtarış tədbirləri ilə müəyyən edilib ki, Rusiya Federasiyasının vətəndaşı olan Yunis Səfərovun törətdiyi bu cinayət məqsədyönlü şəkildə həyata keçirilən, əvvəlcədən planlaşdırılmış terror aktıdır. O, 2016-cı ildə İran İslam Respublikasına gedərək 8 ay Qum şəhərində yaşamış və bu müddət ərzində Azərbaycan vətəndaşı olan Rasim Əsədovla birgə Suriya Ərəb Respublikasının ərazisində olan silahlı birləşmələrin tərkibində döyüş təlimi keçib.

 

2017-ci ildə isə Azərbaycana qayıdaraq Gəncə şəhərinə gəlmiş, həmin ilin iyun ayında odlu silah əldə etmək üçün "Kapitalbank"ın Gəncə  filialında postda duran polis əməkdaşına hücum edib, başına küt alətlə xəsarət yetirərək "Makarov" markalı xidməti tapançasını ələ keçirib. Bundan sonra Gəncə Şəhər İcra Hakimiyyətinin başçısı Elmar Vəliyevi öldürmək məqsədilə 2018-ci ilin yanvar ayında Elmar Vəliyevi izləyib, şübhəli davranışı polis əməkdaşının diqqətini cəlb etdiyindən həmin tapançadan atəş açaraq onu yaralayıb hadisə yerindən qaçıb.

 

Cari il iyul ayının 3-də isə Gəncə şəhər İcra Hakimiyyətinin qarşısına gələrək, qeyd olunduğu kimi, Elmar Vəliyevi və onun yanında olan polis əməkdaşını qətlə yetirməyə cəhd edib.

 

Araşdırmalar göstərib ki, Yunis Səfərovun terror aktını törətməkdə əsas məqsədi Azərbaycanda şəriət qanunları ilə idarə olunan islam dövləti qurmaq, bunun üçün bir neçə tanınmış dövlət məmurunu öldürməklə respublikada ajiotaj, xaos, vahimə yaratmaq, nəticə etibarilə hakimiyyətin zorla ələ keçirilməsini təşkil etmək olub. O, bu məqsədini həyata keçirmək üçün "Müsəlman birliyi hərəkatı" adından Azərbaycan vətəndaşlarına videomüraciət də hazırlayıb, onu xarici ölkədə yaşayan məsləkdaşlarına göndərib və iyul ayının 3-də Gəncə şəhərində törətdiyi terror aktı baş tutacağı halda həmin müraciətin respublikada yayılmasını nəzərdə tutub. Videomüraciətdə Yunis Səfərov "Müsəlman birliyi hərəkatı"nın sədri Taleh Bağırzadənin üç körpəsini başsız qoyan şəxsi öldürmüşəm, bundan nümunə götürün. İslamın düşmənlərini öldürün, Azərbaycanda hakimiyyəti islam birliyi ələ almalıdır" deyərək, ölkə əhalisini respublikanın vəzifəli şəxslərinə qarşı silahlı mübarizəyə qalxmağa çağırış edib.

 

Həyata keçirilmiş istintaq-əməliyyat tədbirləri ilə Yunis Səfərovla birgə cinayətin hazırlanmasında iştirak edən mütəşəkkil cinayətkar dəstənin üzvlərindən daha 3 nəfər tutulub. Bu cinayətkar dəstənin digər üzvlərinin müəyyən edilib məsuliyyətə cəlb olunması üçün tədbirlər davam etdirilir. Eyni zamanda bildiririk ki, terror aktlarına, dövlətin konstitusiya quruluşunun zorla dəyişdirilməsinə çağırış edənlərə qarşı qanunla müəyyən edilmiş ən ciddi tədbirlər görüləcək. Müvafiq cinayət işi üzrə istintaqın gedişi haqqında əlavə məlumat veriləcək".

Mingəçevir İES-də bu gün səhər yenidən yanğın baş verib

5 Tem 2018 04:41 tarihinde Aydin Salis tarafından yayınlandı   [ 5 Tem 2018 04:41 güncellendi ]


Fövqəladə Hallar Nazirliyi Mingəçevir İES-də baş verən növbəti yanğınla bağlı məlumat yayıb. 
  
Bildirilir ki, bu gün saat 08:25-də Böhran Vəziyyətlərində İdarəetmə Mərkəzinə Mingəçevir şəhərində “Azərbaycan İES” MMC-nin ərazisində yanğın olması barədə məlumat daxil olub.
 
Dövlət Yanğından Mühafizə Xidmətinin yanğınsöndürənləri saat 08:28-də hadisə yerinə çatıb.
 
Yanğın zamanı cərəyan transformatorlarından birinin açarı, sarğıları və ətrafa dağılmış 400 m² sahədə transformator yağı yanıb. Digər transformatorlar yanğından mühafizə olunub.

Yanğın saat 08:46-da yanğınsöndürənlər tərəfindən söndürülüb.

Mənbə: Lent.az>>

1-10 of 228